Garant bank Korporativ Chempionlar Ligasida stol tennisi bo'yicha ishtirok etdi

4-iyul kuni Garant bank xodimlari Stol tennisi bo‘yicha Korporativ Chempionlar Ligasi musobaqalarida ishtirok etib, bank sharafini munosib himoya qildilar.

Musobaqa yakunlariga ko‘ra, Axmedov Umar KChL Kumush kubogida 2-o‘rinni egalladi, Nasriddinov Husniddin esa eng kuchli ishtirokchilar qatoridan joy olib, 4-o‘rinni qo‘lga kiritdi. Shuningdek, bank xodimlari juftlik bahslarida ham ishtirok etib, yuqori tayyorgarlik darajasi, jamoaviy hamjihatlik va g‘alabaga bo‘lgan intilishlarini namoyon etdilar.