Garant bank xodimlari TDIU magistrantlari uchun ma’ruza o‘tkazdilar

Garant bank xodimlari Toshkent davlat iqtisodiyot universiteti magistratura talabalari uchun “To‘lov tizimlari: zamonaviy moliyaviy texnologiyalar qanday ishlaydi?” mavzusida ma’ruza o‘tkazdilar.

Uchrashuv davomida to‘lov tizimlarining ishlash tamoyillari, raqamli moliyaviy vositalarning rivojlanishi hamda banklarning zamonaviy moliyaviy infratuzilmani shakllantirishdagi roli haqida ma’lumot berildi. Shuningdek, tranzaksiyalar xavfsizligi, bank xizmatlarini raqamlashtirish va fintex yo‘nalishidagi tendensiyalar muhokama qilindi.

Talabalar amaliy savollar berish va bank faoliyatiga oid real misollarni tahlil qilish imkoniyatiga ega bo‘ldilar. Bunday uchrashuvlar ta’lim sohasi va moliya sektori o‘rtasidagi hamkorlikni mustahkamlashga xizmat qiladi.

Garant bank yosh mutaxassislar bilan tajriba almashish va ta’lim tashabbuslarini qo‘llab-quvvatlashni davom ettiradi.