Garant bank raqamli xizmatlar va AI-infratuzilmani rivojlantirish uchun Huawei innovatsiyalarini o‘rganmoqda

Garant bank delegatsiyasi Shanxayda bo‘lib o‘tgan xalqaro Huawei Connect 2025 konferensiyasida ishtirok etdi va Huawei kompaniyasi rahbarlari bilan uchrashuvlar o‘tkazdi.

Tadbir 25 000 dan ortiq ishtirokchini jamladi va sun'iy intellekt texnologiyalari hamda ma'lumotlarni boshqarishni rivojlantirishga bag‘ishlandi. Bank vakillari Huawei'ning AI Data Centers, OceanStor intellektual saqlash tizimlari va korporativ ma'lumotlar omborlari uchun GaussDB (DWS) platformasi sohasidagi yechimlari bilan tanishdilar.

Tashrif yakunlari bo‘yicha mutaxassislar ushbu texnologiyalarning Garant bank'ning raqamli xizmatlarini rivojlantirish va AT-infratuzilmasi barqarorligini oshirish uchun salohiyatini qayd etdilar.